باركولي جالي عريس من امريكا

باركولي جالي عريس من امريكا

الموضة اليومين دول انك تلاقي البنت جاية تقول لاصحابها وهي فرحاااااانة جدا
باركولي جالي عريس من امريكا
عنده شقة وشغال في مطعم واكبر مني بحاجة بسيطة ومبسوط وهعيش في امريكا بقي

عاوزين نتناقش في الموضوع ده
1- هل توافق علي فكرة الزواج والسفر للخارج مع شريك حياتك ؟
2- فترة التعارف بتكون دايما بسيطة جدا يعني بينزل السنة دي يخطبك ويسافر ويرجع يتجوزك ويسافر ؟ توافقي /توافق ؟
3- هل تقدري علي حياة جديدة من كل الجهات يعني بلد جديدة لغة جديدة شخص جديد ؟
4- من وجهة نظركوا ازاي يبقي الموضوع ده أمن 100%؟

علي فكرة مش بنات بس لاء فيه شباب كمان بتيجي البنت من الخارج عاوزة تتخطب لواحد مصري وهو بيتقدم لانه هيسافر للخارج طبعا واهي بالمرة جوازة
عاوزين مناقشة تغطي كل الاسئلة في الموضوع ده

مممممممممممممممممم
اولا صعب تقبل هذا الموضع لانه غير امن بالمرة
يعني بالنسبه للولد لو حصل حاجه هوولد ويقدر يستحمل بس مش كله بيعرف يستحمل
وانا عندي هنا لي واحد صاحبي عمل كده ومتعذب ومش قادر يعيش
والبنات مش يقدرو يستحملو لو حصل حاه

عاوز اقلكم انه الفكرة دي فعلا بقت موضه زي ما ميرنا تفضلت وقالت
والخطر بيحوم حوالينا خدو بالكم يابنات خدو بالكم ياشباااااااااب

ربنا يستر

لو مش عارفها من قبل ما تسافر اكيد مش هوافق لكن لو اعرفها من قبلها اكيد ممكن افكر فى الموضوع
لان سعتها هكون عارف طبعها وعارفين بعض كويس

موضوع جامد جدا يا ميرنا بجد

لا يا ارساااني ده اكيد مفيش اي مشكلة لو في معرفة سابقة لكن انا بتكلم عن عدم معرفة تماماااااااااا
يلا يا شباب عاوزة كله يشارك

الجوازبالشكل ده مش ممكن نسميه جواز!!!!!!!
ممكن يكون فرصة للسفر للخارج
أو نجرب حياة جديدة وخلاص
أنا مش ممكن أوافق بنت أو حتى ولد على المغامرة دى
الزواج عشرة ومودة وحب وفهم لاحتياجات وظروف الطرف الاخر
الزواج مش صفقة وهروب من تكاليف وخلاص
الزواج فى المسيحية حياة دائمة بوجود الرب يسوع فى الوسط
الزواج سر مقدس
وكمان صعب البعد عن الاهل بمغامرة غير مضمونة
لازم نعرف الشريك الآخر كويس ونحبه كمان علشان نتحمل ظروف الحياة وأى مشكلة تطرأ على حياتنا

شكرا لرائيك الاكثر من رائع بيبو وفعلا مينفعش نطلق عليه جواز لانه بيبقي مجرد مصلحة للخروج من اعباء الزواج

هو قبل الجواز طبعا من العادات مثلا بتاعت الجواز ان مثلا بيسالو على الراجل المتقدم لبنتهم سواء ان كان فى الكنيسة او البلد او اب اعترافة دا اذا كان مش من نفس البلد اللى منها البنت اللى مختاراها انة يتجوزها
ثانيا الكنيسة بتسمح لكل اتنين مخطوبين اسبوعين على الاقلل لكى تتم التعارف بينهم ولكى ايضا تتم مراسم الاكليل
ثالثا مثلا لو هنقول على كلام اساسا الموضوع بينزل اجازة يخطب ويسافر تانى اكيد خلال سفرة بعد الخطوبة بتكون فى مكالمات غرامية ما بينهم ومن هنا البنت تقدر تكون تقرب منة وتعرف انها هتسريح معاه من كلامهم معا بعض

واى بنت بصراحة بتفرح لما تسمع حاجة زى كدا لانها بتكون عايزة تنقل مستواها ومستوى اهلها الى مستوى عالى شوية

والبنت دى فى الوقت دا متفكرش فى شكلة ولا اى حاجة فية موضوع امريكا دا مثلا بيبقا مغمى عنيها

لكن مثلا ممكن يجيلها عريس من البلد او هتقعد مثلا فى مصر مثلا ممكن تقولك دا شكلة وحش فى عيبة كذا مثلا

وفي حكمة بتقول الراجل ما يعبوش غير جيبة
وربنا يوفق كل الناس وان الذى يجمعة اللة لا يفرقة انسان

[
ثالثا مثلا لو هنقول على كلام اساسا الموضوع بينزل اجازة يخطب ويسافر تانى اكيد خلال سفرة بعد الخطوبة بتكون فى مكالمات غرامية ما بينهم ومن هنا البنت تقدر تكون تقرب منة وتعرف انها هتسريح معاه من كلامهم معا بعض


انا مش معاك يا ابرام في الجزئية دي
لو الخطوبة مجرد تليفون وكلام حلو ونظرة للسفر والعيشة المريحة يبقي هي راحة مؤقته لانها هناك وبعد الجواز والسفر هتكتشف شخصية تانية تماما
يعني مثلا لو بخيل اكيد مش هتعرف من التليفون لو كداب اكيد مش هتعرف لو مش محترم اكيد مش هتقدر تعرف عيوبه من التيلفون بالتالي بتبقي اكبر صدمة ومش صدمة واحدة لا اتنين وزي ما بيقولوا خبطتين في الراس توجع الخبطة الاولي انها اكتشفت شخصية غير اللي كانت متخيلالها تاني خبطة انها خلاص مراته وفي بلد بعيده عن اهلها


لكن انت برضو متفق معانا ان جواز مصلحة
ميرسي لمشاركتك الجميلة دي ومنتظرة باقي الاراء

مرنا انا معاكى فى كل الكلام اللى انتى بتقولية صح بس انتى اخدتى نص كلامى وسبتنى نس كلامى الاخر

هنفترض مثلا ان كلامك صح انة بخيل وكداب وشخصيتة مش حلوة علشان نتاكد من حاجة زى كدا نعمل اية

هنقول مثلا ان العريس من محافظة والعروسة من محافظة اخرة

بنلجا الى الكنيسة وبنسال علية فى الكنيسة مثلا دا زاد ان بنسال علية اب اعترافة وهو الوحيد القادر على معرفتة شخصيا وعلم بية وبعائلتة ودا جزء من معرفتك لية والجزء التانى عليكى بمقابلتة دائما

وثانيا مش زى ما انتى متخيلة انا البنت فى اسبوع هتتخطب وبعديها خطيبها هيسافر برا وينزل بعد سنة اسبوع وتتجوز على ما اعتقد ان كتير من البنات ما توفقش على كدا وهما مايعرفوش بعض حتى لو كانو بيكلمو كتير
لازم حاجة تكون فيس انتو فيس

وانا معاكم فى كل ارائكم ان الجواز المصلحة دا غلط لان بعد الجواز لو حصلت مشكلة مش هيقدرو يحلوها حل سلمى وصحيح

بس صدقينى يا مرنا فى بنات كتير بيبقو مظلومين وعايشين حياة صعبة وبيبقا ربنا هو اللى عالم بيهم وتجيلهم حالات زى كدا عرسان فى الخارج ومش شرط فى اوربا بتبقا فى دول عربية مثلا الكويت الامارات ما بيصدقو وربنا بيقف معاهم وبيسعدهم وبيعيشو حياة كويسة

وفى الاول والاخر انا اسمع حاجة يقوللك البنت لما بيتقدملها عريس وتقعد معاة فى اول مرة بيتقدملها هل البنت بتحس بى راحة نفسية وهو قاعد معاة وبيتقدملها بتكون حاسة بى الاطمئنان

وكذا نوع من العرسان لما بيروحو بيقدمو انفسهم بيبدائو كلامهم فى اول حاجة من دول

فى عريس يروح يتقدم لى لبنت ويقعد معا اهلها ويقولهم ان عندى وعندى وعندى وعندى

وعريس تانى يتقدم ويقول انا هجبلها وهجبلها وهجبلها وهجبلها

وعريس تانى يتقدملهم انا من كذا وبصلى فى كنيسة كذا وبعمل كذا واب اعترافى فلان الفلان مثلا وبنتكم فى عنيا واحافظ عليها واعيشها فى المستوى بتاعها كمان

كل دا وبردو لازم يتم خلاص اسابيع وقعدات كتير زى ما انتو متخيلين


وهو بصراحة موضوع كبير وحلو ومليان كلام كتير بس اللى يقدر يتكلم فى الموضوع دا اكتر لو فى حد خاطب حد كبير متجوز مثلا لان الناس دى عاشت جو المواقف دا وتعرف تتكلم بالظبط لكن احنا بمجرد راى فقط

كلامك رااااااائع جدا وكله صح
بس برضو هعقب علي حزء معين وده بجد انا شوفته بعيني

هنقول مثلا ان العريس من محافظة والعروسة من محافظة اخرة

بنلجا الى الكنيسة وبنسال علية فى الكنيسة مثلا دا زاد ان بنسال علية اب اعترافة وهو الوحيد القادر على معرفتة شخصيا وعلم بية وبعائلتة ودا جزء من معرفتك لية والجزء التانى عليكى بمقابلتة دائما

دلوقتي يا ابرام الاباء الكهنة لو عارفين ان الابن او البنت فيها عيب غير عيوب اللي تمنع الزواج مش بيتكلموا .. مش معقول هيوقف حال بنته يعني
مش معقول هيجي العريس يسال عليها ابوها في الاعتراف هيقوله دي كدابة او بخيلة او او او
بيقوله دي بنت كويسة وانا اضمنهالك وبنت كنيسة ومحترمة عشان الحال يمشي

ميرسي لمشاركتك الاكثر من رائعة واتمني باقي الاعضاء يشاركونا المناقشة