البنات احسن من الاولاد مية مرة !!!

عشر اسباب ليه البنت احسن من الولد
(1)لو البنت فى وسط المحاضرة عطشت وحبت تشترى كانز تقول للدكتور من فضلك يا دكتور عايزة اخرج يسالها ليه تقوله عندى ظروف ومن غير ميعرف ايه هى الظروف تلاقى الباب اتفتح .
اما الولد لو جاله تليفون ان ابوه مات واخواته اتحرقوا وامه فى الانعاش يروح يقول هى جامعة ابوك روح اترزع مكانك مش مهم تحضر الدافنة كفاية تحضر العزاء .

(2) لو حصل زعل بين البنت وباباها مش هيطردها هو شخطتين وضربة خفيفة علشان البنت عضمها طرى .
اما الولد اجارك الله شلاليت وبونيات ويطرد من البيت وعينك متشوف الا النور ويدوبك يلحق مكان ينام جنب البواب .

(3) لو فى الاتوبيس وبنت دخلت وملقتش مكان عصر صلاح الدين الايوبى يرجع وكل واحد يعمل ابو العرام وابو الشهامة ويقوم واتفضلى يا انسة .
اما لو طلع راجل الاتوبيس عصر جنكيز خان يرجع والتكشيرة تترسم على الوشوش واللى يطلع راسة من الشباك قال بيشم هوا والتانى قال بيتفرج على المحلات ويتحرق اللى واقف .

(4)لو بنت سقطت اخر السنة وعيطت شوية مامتها هتقولها معلش خيرها فى غيرها تعوضيها السنة اللى جاية البنت ملهاش الا بيت جوزها .
اما الولد يا خرابى يا خسارة تعبى فيك روح شوف ( ...... ) ابن عمك بيطلع من الاوائل كل سنة و{ ( ......) دايما بيسقط وبيكدب على اهلة } انت من بكرة تنزل تشتغل مع اسطى بلية الميكانيكى تعمل بلوقمتك .

(5) لو بنت فشلت فى التعليم تقعد تعمل شغل البيت وتستنى العريس وهى بتغنى البحر بيضحك ليه وانا نازلة ادلع اغسل الحلل .
اما الولد ينزل يشتغل صبى ميكانيكى او يبيع مناديل فى اشارات المرور .

(6) لو حرامى نط على البيت الاب والام يجروا يطمنوا على البنات ومتخفوش ويطبطبوا عليهم .
اما الولاد الاب يرصهم قدامه صف وانا مش مخلف ولاد ماهو الحرامى لو عارف انى سايب رجالة فى البيت مكنش تجرا ودخل البيت انا اصلا مخلف شوية خرفان .

(7) فى الشتا لو جيه ضيوف البنات اهلا يا اونكل اذيك وبوس واحضان فى بناته . اما الولد انزل هات كذا وكذا .... . وياسلام لو هيباتوا البنات تلم بعضيها وفى اوضة اما الولاد يسحبوا مخدة وبطانية ويناموا جنب لاكى الكلب فوق السطوح .

(8) لو حصلت خناقة فى المنطقة البنات تقعد تتفرج على الخناقة من الشبابيك .
اما الولاد اللى يشد سكينة واللى يشد جنزير واللى نبوت ويرجعوا اللى السكينة فى باطنة واللى النبوت متكسر على دماغة واللى الجنزير معلم على قفاه .

(9) لو الحرب قامت البنت تقعد تتفرج على الاحداث فى قناة الجزيرة وهى يتازاز لب وسودانى وتقلب شوية على ميلودى وروتانا .
اما الولد بيكون شايل الالى ويرجع ياعينى وودنة مقطوعة وفاقد الذاكرة وشايل رجلة على كتافة ويشوف باباه يقولة امال فين اخواتى يا ماما .

(10) الولد لو رايح مشوار مع اخته يصحى فى ميعاده ويكوى لبسة ويلبس ويحط جل فى شعرة ويستنى اخته وينام من كتر الانتظار والهدوم المكوية تتكرمش والجل ينشف ويبقى عامل زى عش العصفور وهى تخرج برنسيسة بالميكب والبرفان
وينزلوا الشارع ويقعدوا يتريقوا عليه ويقولوا الحظ لما ياتى يخلي الشيك قرداتى.

ههههههههههه
لا اسباب مقنعه اوى
http://www.mayyar.com/album/data/med...You_Card_6.jpg

الولد لو رايح مشوار مع اخته يصحى فى ميعلده ويكوى لبسة ويلبس ويحط جل فى شعرة ويستنى اخته وينام من كتر الانتظار والهدوم المكوية تتكرمش والجل ينشف ويبقى عامل زى عش العصفور وهى تخرج برنسيسة بالميكب والبرفيوم وينزلوا الشارع ويقعدوا يتريقوا عليه ويقولوا الحظ لما ياتى يخلي الشيك قرداتى.
لالالا معلش اعترض انا عندي اخويا انا بخلص قبليه وهو واقف محتار يعمل تسريحة مين في شعره وياتري مظبوطة ولا لاء وانا اللي بستني كتير
وكمان الجزء بتاع الاتوبيس ده كان زمان يا قمر محدش بيقوم دلوقتي اساليني انا ههههههههههههههه
بجد جااااامدين جدااااااااااااا