#1
|
||||
|
||||
نفس تائبة و حوار مع قلبى
قلبى فى ايدك انا عندى قلب يا رب انت عارفه و هو طول عمره و هو صغير كان فى ايدك. لما بيبكى كان بيبكى بين ايدك و انت كمان يا رب بتحبه اوى و دايما بتطبطب عليه و بتحنو عليه . مرت الايام و قلبى كبر شوية و محتاج اغير فيه شوية حاجات بسيطة ؟؟. معلش يا رب انت عارف بقى كل يوم فيه جديد و مفيش حاجة بتفضل على حالها . انا كنت عاملك فى قلبى الريسيبشن بالكامل و اكبر اوضه كمان. انا بحبك اوى يا رب و انت عارف بس انا عندى شوية حاجات صغيرة صدقنى و مش هتأثر على حاجة . انا عندى اصحابى بيجولى باستمرار و عايز بس جذء من الريسبشن عشان اعمله مكان نقعد فيه سوا و تقعد معانا . انا عارف انك مش هتضايق انا بحبك انت عارف و مش معقول برضو منعرفش نتفرج على التليفزيون و اصحابى كتير و مفيش تليفزيون من غير كراسى و اكيد و منطقى و ضرورى و لا بد اصحابى ياكلوا معايا ده عمل محبة . اكيد فهمت ان انا محتاج بقية الريسبشن عشان طرابيزة اكل كبيرة بكراسيها و خلافه . صدقنى يارب بامانه انا مهتم اوى بالأوضة بتاعتك و هاخليها احلى اوضه فى البيت كله ......متقلقش!!!!! مرت ايام كتيرة و انا كمان بقيت اشوف حاجات حواليا تطير العقل . ال ADSL بقى زى المية و الهوا بصراحة محدش يقدر يعيش من غبره و الكمبيوتر اللى عندى ده عايز يترمى فى الشارع او ياخده بتاع الروبابيكيا . انا محتاج كمبيوتر كبير بترابيزة معندكش فكرة يا رب انا محتاج كمان اطبع حاجات كتير و على فكرة فيه حاجات كتير منها للكنيسة و الخدمة . صدقنى يا رب انا باموت نفسى فى الخدمة و القداسات و عندى ولاد فى خدمتى باسأل عليهم باستمرار و الكمبيوتر هيساعدنى اوى. فلو تسمح يعنى و انا عارف انك عارف و مش هتضايق لو ينفع اشاركك اوضتك عشان محتاج مكان للكمبيوتر ابو طرابيزة . و اهى فرصة حلوة نبقى مع بعض و نسللى بعض . ايام و بتعدى و بقيت انسان متطور و مفيش حد احسن منى . عندى ADSL اسرع من الفار و DOWNLOAD بقى سريع بس الواحد بقى محتاج يقعد شوية على الكمبيوتر عشان يقدر يتابع الجديد و القديم و الحديث و السريع و الرهيب و المرعب ....و ... وقتى مش مكفى و حياتى بقت زحمة ده انا حتى اصحابى بقيت اشوفهم على النت و الشات انا عارف يا رب انك نفسك تتكلم معايا بس انت شايف ايقاع العصر عامل ازاى ؟؟مفيش وقت اقصقص ضوافرى على فكرة يارب معلش عايز اقوللك حاجة متفهمهاش غلط!!!! . انا مبقيتش فاضى ذى الأول . انا الخدمة واكله كل وقتى و يا دوبك بافضى وقت لاصحابى و النت . و انت موجود معايا فى الأوضه . انت هتروح فين ؟؟!!ما انا كل يوم بارجع الاقيك و اعتبر البيت بيتك معلش قصدى الأوضة اوضتك. آخر طلب هاطلبه منك و انا عارف انك عارف . مفيش وقت العب رياضة و بقيت محتاج حاجه كل اصحابى بيروحوها و عارفنها و انا الوحيد اللى مش معاهم. ايوه كدة انت عارفها (الجيم) لازم اروح جيم عشان الرياضة و انا عارف و انت اكيد عارف. فيه جهاز حلو اوى هاجيبه بس هو كبير شوية . بيقوللك فيه عجله و مشاية و عقلة و حبل و فيه زرار تدوس عليه تخس 30 كيلو على غفله. و بصراحة مش لاقى مكان ليه غير اوضتك عشان كبيرة فمعلش هاخد مكان كمان و انا عارف انك بتحبنى و مش هتضايق . و بعدين يا رب انا عايز اقوللك حاجة . انت ليك البيت كله تقدر تقعد فى اى حته . يعنى متلتزمش بالأوضة و عندك البيت كله ؟؟؟!!!!!!!! خلاص انا كبرت و الدنيا اتغيرت و مرت ايام قصدى سنين و بقيت اخش البيت مش شايف قدامى و كتير يقولولى فيه واحد قاعد مستنيك فى الجنينه . يا جماعة هو انتوا شايفنى فاضى ؟؟!!!!لما ابقى افضى ابقى اشوفه و ايام تاخد ايام لغاية ما نسيت انت مين يا رب . نسيت وجودك فى حياتى . انا بتفكيرى و تصرفاتى و اهتماماتى . انا بكل دة و بدون ما اشعر بقى ليك مكان بس يا خسارة برة قلبى . مبقاش ليك مكان يا رب فى وسط اصحابى و النت و الدش و الشات و الجيم و غير و غيرة ....... و بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟ ناوى تفضى ساعة واحدة لربنا و لا خلاص مبقتش تقدر . انا آسف يا رب سامحنى لو سمحتارجوك يا رب تتفضل جوه . متبقاش بره . انت ليك كل حاجة. ليك قلبى كله. نفس تائبة |
08-11-2010, 08:19 PM | رقم المشاركة : [2] |
مراقب عام و مشرفة منتدى الشباب والشبات
|
و بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟
ناوى تفضى ساعة واحدة لربنا و لا خلاص مبقتش تقدر . انا آسف يا رب سامحنى لو سمحتارجوك يا رب تتفضل جوه . متبقاش بره . انت ليك كل حاجة. ليك قلبى كله. نفس تائبة حلو اووووووووووي يا بيبو ربنا يعوض تعب محبتك |
|
|
08-11-2010, 09:54 PM | رقم المشاركة : [3] |
|
بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟
ناوى تفضى ساعة واحدة لربنا و لا خلاص مبقتش تقدر . ميرسى bebotop على الموضوع الجميل ربنا يباركك |
|
|
08-11-2010, 11:39 PM | رقم المشاركة : [4] |
مشرفة منتدى سير القديسين
|
انا آسف يا رب سامحنى
لو سمحت ارجوك يا رب تتفضل جوه . متبقاش بره . انت ليك كل حاجة. ليك قلبى كله. موضووووع جميييل جدا جدا بيبو بجد.... ميرسي لتعبك ومجهودك الجميل |
|
|
08-12-2010, 12:55 AM | رقم المشاركة : [5] |
مشرف منتدى الطقوس
|
شكرا ميرنا ماري توتا علي مروركم الجميل ربنا يعوضكم |
|
|
08-12-2010, 05:49 AM | رقم المشاركة : [6] |
|
انا آسف يارب سامحنى
موضوع رائع شكرا بيبو ربنا يعوض تعب محبتك |
08-12-2010, 01:24 PM | رقم المشاركة : [7] |
|
و بعدين يا قلبى ؟؟؟ ناوى على ايه ؟؟؟!!!ناوى ترجع زى زمان و لا ايه ؟؟؟ ناوى تفضى ساعة واحدة لربنا و لا خلاص مبقتش تقدر . انا آسف يا رب سامحنى لو سمحتارجوك يا رب تتفضل جوه . متبقاش بره . انت ليك كل حاجة. ليك قلبى كله. نفس تائبة ميرسى bebotop على الموضوع الجميل ربنا يباركك |
|
|
08-13-2010, 03:12 AM | رقم المشاركة : [8] |
مشرف منتدى الطقوس
|
ِكرا بيبو شكر مايكل علي مروركم الجميل ربنا يعوضكم خير يااااااارب |
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
رسالة الي كل نفس جريحة متألمة. | medhat atef | منتدى المرشد الروحى | 12 | 06-30-2010 12:31 AM |
لماذا نتزوج من نفس الايمان؟ | sherine magdy | منتدى ايماننا المقدس | 3 | 06-02-2010 09:45 PM |
حوار مع قلبى......... | marmora2008 | منتدى الشباب والشبات | 7 | 02-08-2010 03:39 PM |
هو نفس الكيل اللى بتكيل بية!! | sherine magdy | منتدى القصص | 5 | 02-08-2010 03:08 PM |
{ ثــابت قلبى يا الله ...ثابت قلبى } | adel baket | منتدى التأملات | 2 | 03-09-2009 03:42 PM |