خلي بالك من نفسك

((( بسم الاب والابن والروح القدس الاله الواحد امين )))

مرة كان في...بنوتة صغيرة.... كانت بتصلي قبل ما تنام زى كل يوم وزى ما أتعلمت في مدارس الأحد قدام صورة حبيبها يسوع .... قالت بصوتها الرقيق ( بابا يسوع أنا بشكرك علي الحاجات الحلوة اللي أنت بتديهاني ...متخلنيش أنام و أنا خايفة... و حافظ على بابا و ماما وخلي بالك منهم... ومن اخويا الصغير ومن أختي الكبيرة.....ومن تاسوني في الكنيسة ومن أبونا.... ومن كل الناس و.....سكتت البنوتة شوية وقالت وصوتها في خجل ((لو سمحت خلى بالك من نفسك.....)) و ختمت صلاتها.... فاهمييييين؟؟؟!!!!
اسمح لي يارب أنى أتعلم من البنت دي..... يا ترى يارب أنت عامل أية ؟؟؟ فية حاجة مضايقاك؟؟؟؟ أخبارك أية؟؟؟؟ عملت أية لما جرحتك وسبتك و مشيت ورا الخطية ؟؟؟ طب بالليل بتضايق لما بنام و اسيبك لوحدك سهران تحرسني؟؟؟؟؟ أكيد بتضايق وأنا سهران قدام التلفزيون أو بكلم حد وسايبك ؟؟ طب أنت بتا خد بالك من نفسك و لا ناسي نفسك في انشغالك بينا؟؟؟ أنا دايما بقولك خلى بالك من فلان وفلان وفلان و..... وحافظ على و على شغلي و حياتي أسمح لي يارب أقولك من قلبي
(( أرجوك يارب خلى بالك من نفسك ))
منقول للامانه

مشعارفه فى ايه يا سونسون
طلعت فجأة كده فى القصص الجميلة
بسم الصليب القصه مش عاوزة وصف
وطبعا انتى قصدك ان البنت دى انا صح؟؟؟؟؟؟؟؟؟؟
اكيد انا هههههه

اشكرك تريزا على مرورك ومتابعتك

راااااااائعة ياسون سون
بجد انا اتأثرت بيها اوى وحسيت اننا فعلا بنفكر كل حاجة فى الصلاة وننسى نقول لربنا خلى بالك من نفسك واد ايه دايما بنفكر فى نفسنا واحتياجتنا ومش نفكر فيه
ميرسى ليكى بجد

اشكرك مارينا على المرور

مش عارفه اقول ايه بجد دى حاجه تخلى الواحد يخجل من نفسه انو بيفكر فى كل الناس وبينسى ربنا

ميرسى جدا يا سون سون على القصه الجميله اللى خلتنى اخد بالى من حاجة عمرى ما فكرت فيها

اشكرك نورا الغالية على المرور ربنا يبارك حياتك

بجد احنا يامااااااااااا بنطلب من ربنا وهو دايما مستجيب مع انوا مش طالب مننا غير انوا يسمع صوتنا وان احنا نقف نتتكلم معاه زي اي بنت او ولد بيكلم ابوه .......... شكرا بنت الانبا تكلا بجد قصة هايلة

اشكرك تويتي على المرور والتشجيع منتظرين تواجدك الدائم

قصه ملهاش وصف بجد رائعه جداجدا جدا