حدوته احنا الخضروات كلنا فيتامين

كانت ياحلوين ماما نوره بتحب تنزل تشترى دايما خضار السلطه طازه



ماما
نوره روحت البيت ودخلت الخضار فى المطبخ







الطمطمايه قالت بغرور انا احلى واحده فى الخضار ده كله حتى لونى احمر وجميل

وكلى فيتامينات



الجزر قال لا انا طبعا الاحلى والافيد لان اكل الجرز بيقوى النظر






الخيار قالهم بس بس انا طبعا الاحلى ومفيد ومغذى
ومحبوب من الاطفال






رد الفلفل وقال طبعا انا الاحلى وفيه منى الوان كتير وكلى كالسيوم وحديد









الخس قال انا طبعا الاحلى عندى ورق كتير ولذيذ ومفيد









الليمون قال وانا روحت فين لونى جميل ومفيد وفى الشتا والصيف بيحبونى كتير







البصل قال وانا طبعا الملك علشان بدخل فى كل الاكلات ومحدش
يقدر يستغنى عنى






البتنجان قالهم رغم انى لونى اسمر بس حلو ومكلبظ وكلى حديد







والخضروات قعدوا يبصوا لبعض بغيظ وكل واحد يقول انا الاحلى وانا الاْفيد

انا الناس بيحبونى اكتر






دخلت عليهم ماما نوره ومعاها بنتها علشان يعملوا السلطه

سالتها بنتها الصغنونه ايه احلى خضار فى دول ياماما





ماما قالتلها طبعا كلهم حلوين ومفيش حاجه احلى من حاجه


لان كل نوع فيهم ليه فايده ومنقدرش نستغنى عنه خالص

وكلهم فيهم فيتامينات وحديد وكالسيوم وفوايد كتير فلازم ناكل من كل الخضار ومفيش حاجه نقول عليها مش بنحبها


لان كلهم فوايد جميله لازمه لجسمنا علشان نبقى اصحاء واقوياء

ومنروحش للدكتور خالص

الينوته قالت لماما فعلا ياماما انا بحبهم كلهم





الخضروات انبسطوا اوى وقالوا احنا كلنا فوايد ومحدش فينا احلى من حد

يلابينا نغنى

احنا الخضروات كلنا فيتامين
الوانا طبيعيه

مين قدنا مين

مين زينا مين

قولوا ياحلوين



وماما نوره عملت احلى طبق سلط مفيد ولذيذ من الخضروات






وتوته توته خلصت الحدوته

حلوه ولاملتوته



يارب نكون استفيدنا ياحلوين

وناكل كل الخضار لانه كله مفيد وكله حديد

متفقين ياحلوين